Nashik Girish Mahajan : भाजपचे संकटमोचक गिरीश महाजन यांना नाशिकपासून दूर ठेवलं जातंय का? नव्या नेत्यांवर जिल्ह्याची जबाबदारी

नाशिक चे संकटमोचक म्हणून ओळख असलेल्या माजी पालकमंत्री गिरीश महाजन यांना धक्का बसला असून, उत्तर महाराष्ट्राची जबाबदारी विजय चौधरी (Vijay Chaudhari) यांच्याकडे, तर नाशिक शहरासह दोन्ही लोकसभा मतदारसंघांची जबाबदारी राजेंद्र गावित (Rajendra Gavit) यांच्याकडे देण्यात आली आहे. याशिवाय मंत्री या नात्याने शासन आणि पदाधिकारी यांच्यातील समन्वयाचे कामही महसूलमंत्री विखे पाटील यांच्याकडे सोपविण्यात आले आहे. 

भाजपाचे प्रदेशाध्यक्ष चंद्रशेखर बावनकुळे (Chandrashekhar Bawankule) यांनी हा संपूर्ण फेरबदल केला असून आगामी लोकसभा निवडणुकीच्या दृष्टीने हा निर्णय घेतल्याचे बोलले जात आहे.

दरम्यान आगामी निवडणुकांच्या (Loksabha Election) दृष्टीने भाजप(BJP) सावध पाऊले टाकत असून त्यानुसार राज्यभरात मोर्चेबांधणीस सुरु आहे. याच पार्श्वभूमीवर नाशिक भाजप पक्षाच्या बदलाचे वारे वाहू लागल्याचे चित्र आहे. आतापर्यंत नाशिकचे संकटमोचक म्हणून ओळख असलेले यांना नाशिकपासून पक्षाने दूर ठेवल्याचे बोलले जात आहे. भाजपने आता पक्षाचे सरचिटणीस विजय चौधरी यांच्याकडे उत्तर महाराष्ट्र विभागाची जबाबदारी देण्यात आली आहे. तर राजेंद्र गावित यांच्याकडे नाशिक शहर, तसेच उत्तर नाशिक आणि दक्षिण नाशिकची जबाबदारी देण्यात आली आहे. 

दोघेही नंदुरबारचे आहेत. विजय चौधरी यांनी यापूर्वी नाशिकचे संघटन बघितले असले, तरी राजेंद्र गावित यांच्यावर प्रथमच जबाबदारी देण्यात आली आहे. आदिवासी विकास मंत्री डॉ. विजयकुमार गावित यांचे राजेंद्र हे बंधू आहेत.गिरीश महाजनहे भाजपासाठी उत्तर महाराष्ट्राचे प्रबळ नेते आहेत. उत्तर महाराष्ट्रातही निवडणूक आणि गिरीश महाजन हे समीकरण सर्वश्रुत आहे. प्रभारीपदाची नेमणूक हा भाजप पक्षाचा संघटनात्मक रचनेचा एक भाग आहे. 

उत्तर महाराष्ट्र निवडणुकांसह विविध गोष्टीचे अधिकार महाजन यांच्याकडेच असून ते पुढेही राहणार असल्याचे प्रदेश सरचिटणीस विजय चौधरी यांनी स्पष्ट केले आहे. महाजन हे उत्तर महाराष्ट्राचे संकट मोचक असून त्यांच्या अधिकारात कुठेही फरक झालेला नसल्याचे देखील चौधरी म्हणाले.नाशिकचे पालकमंत्रीपद ही नाही.

दरम्यान 2014 मध्ये झालेल्या लोकसभा निवडणुकीनंतर भरात आलेल्या भाजपने नाशिकचे जबाबदारी गिरीश महाजन यांच्याकडे पालकमंत्री म्हणून सोपविली. त्याचबरोबरच संघटनेची सूत्रेही त्यांच्याकडे सोपविली होती. संपूर्ण उत्तर  महाराष्ट्रची सूत्रे महाजन यांच्याकडे एकवटली होती. मात्र राज्यात महाविकास आघाडीचा तख्ता पालट झाल्यांनतर राज्याचे नवीन मंत्रिमंडळ तयार झाले. 

त्यावेळी गिरीश महाजन यांच्याकडे सूत्रे येण्याची शक्यता होती. तसेच मंत्रिमंडळ तयार झाल्यानंतर राज्यातील जिल्ह्यांच्या पालकमंत्री पदांची नियुक्ती करण्यात येत होती. अशावेळी नाशिकवर सगळ्यांचे लक्ष लागून होते. मात्र पालकमंत्रिपद गिरीश महाजन यांना मिळेल असे वाटत असताना पक्षाने धक्कातंत्राचा वापर केल्याने नाशिकचे पालकमंत्रिपद शिंदे गटाच्या दादा भुसे यांच्याकडे गेले.

नाशिकचे संकटमोचक म्हणून ओळखदरम्यान, याआधी महापालिका निवडणुकांची तयारी सरु असताना राज्याचे माजी पर्यटनमंत्री जयकुमार रावल यांच्याकडे प्रभारीपद देण्यात आले होते. तयारीतील काही उणीवा लक्षात आल्यानंतर संकटमोचक म्हणून पुन्हा एकदा महाजन यांना नाशिकचे प्रभारी, तर रावल यांना सहप्रभारी करण्यात आले होते. आता मात्र संपूर्ण रचनाच बदलण्यात आली आहे. राज्यातील नऊ मंत्र्यांकडे वेगवेगळ्या महसूल विभागांची जबाबदारी देण्यात आली आहे. 

त्यात गिरीश महाजन यांच्याकडे अन्य जिल्ह्यांची जबाबदारी देण्यात आली आहे.नाशिकची जबाबदारी राधाकृष्ण विखे पाटील यांच्याकडे देण्यात आली असून, त्यांनी भाजपाच्या सुकाणू समितीची बैठक घेतली होती.